Kitab çapı
"Hədəf Nəşrləri"nin mətbəə xidməti tirajından asılı olmayaraq sürətli, operativ və çox sərfəli qiymətlərlə kitabların və digər kağız məhsulların çapını təmin edir. Hər detalına qədər incəliklə işləyəcəyimiz kitabların həm ağ-qara, həm də rəngli formada sifarişi qəbul edilir.
İndi 15 illik mətbəə təcrübəmiz ən son keyfiyyətli çap maşınları ilə birləşdi.
Kitab sərgilərinin və yarmarkalarının təşkili
“Hədəf Nəşrləri” qoşulduğu “Azərbaycan Nəşriyyatları Assosiasiyası” İctimai Birliyi (ANAİB) ilə ölkənin müxtəlif regionlarında kitab festivalları və sərgiləri təşkil edib. 30-31 oktyabr 2021-ci il tarixlərində Sumqayıtda “I Sumqayıt Kitab Sərgisi”, 26-28 noyabr 2021-ci il tarixlərində Gəncədə “I Gəncə Kitab Sərgisi”, 2-3 aprel 2022-ci il tarixlərində Bakıda “I Uşaq Kitab Festivalı” təşkil edilib. Bu il 8-11 aprel tarixlərində Bakıda “II Uşaq Kitab Festivalı”na 30 mindən çox oxucu gəlib. Keçirdiyimiz sərgi və festivallar ölkə gündəmini müsbət mənada dəyişərək anşlaqla qarşılanıb. Nəşriyyatımız bu cür tədbirlər nəticəsində dövlətçilik dəyərlərimizi intellektual gənclərə kitab vasitəsi ilə çatdıraraq yerli kitabçılığın inkişafını lokal xarakterdən uzaqlaşdırmağı əsas prioritet kimi müəyyənləşdirib.
