Haqqımızda

Elmin sirlərini bizimlə vərəqləyin!
“Hədəf Nəşrləri” Məhdud Məsuliyyətli Cəmiyyəti 2009-cu ildə təsis edilmişdir. Fəaliyyətə başladığı ilk ildən nəşriyyat Azərbaycanda orta təhsilə dair əlavə və metodik dərs vəsaitlərinin çap olunmasını əsas istiqamət kimi qəbul edib.
Nəşriyyatda illərin təcrübəsi və müasir tələbləri nəzərə alaraq müxtəlif yaş qrupları üçün kitab setləri hazırlanır. Məsələn, azyaşlılar üçün “Məktəbəqədər hazırlıq üçün vəsait”, “Sevirəm”, “Cuppulu meyvələr”, ibtidai sinif şagirdləri üçün “Uçmaca”, “Yay tətili tapşırıqları”, abituriyentlər üçün “Blok”, “Buraxılış”, o cümlədən müxtəlif maraq dairələrini əhatə edən elmi-kütləvi ədəbiyyat seti və s. vardır.
Hədəf Nəşrləri 2011-2014-cü illərdə “İSQ”, 2014-2016-cı illərdə “Hədəf” təhsil jurnallarını nəşr edib, 2016-cı ildən isə “Ustad” ədəbiyyat və sənət dərgisi ilə oxucuların görüşünə gəlir.
Yarandığı zamandan müxtəlif sərgilərin təsisçisi və iştirakçısı olan “Hədəf Nəşrləri” indi də davamlı şəkildə kitab sərgilərində iştirak edir. Nəşriyyat son bir ildə “VIII Bakı Beynəlxalq Kitab Sərgisi”, “Oxu günü-8”, “II Uşaq Kitab Festivalı”, “I Bilik Kitab Sərgisi”ndə, həmçinin Sumqayıt, Lənkəran, Gəncə, Naxçıvanda keçirilən sərgilərdə kitablarını nümayiş etdirmişdir.
Abituriyentləri hər zaman diqqət mərkəzində tutaraq yarandığı ilk gündən etibarən onlar üçün vasaitlər tərtib edən “Hədəf Nəşrləri” bu gün də müxtəlif fənlər üzrə vəsaitlər və test topluları nəşr edir. “Azərbaycan dili”, “Riyaziyyat”, “Kimya”, “Coğrafiya”, “Fizika” vəsaitləri bunlardan bir neçəsidir.
Hal-hazırda da "Hədəf Nəşrləri" dəyişən dövrün tələblərini nəzərə alaraq uşaqlar, şagirdlər, abituriyentlər, müəllimlər, valideynlər, geniş oxucu kütləsi üçün vasaitlər hazırlamağa davam edir.